«Music from the Film More» (ангел. Музыка для фільма «Больш») — трэці альбом брытанскай рок-групы групы Pink Floyd, выпушчаны 27 ліпеня 1969 года. Альбом з'яўляецца саўндтрэкам да нямецка-амерыканскага фільму «More» Барбэта Шродэра. Альбом быў запісаны ў сакавіку 1969 года ў Студыі Эббі Роўд (Abbey Road Studios). На альбоме можна пачуць змененыя версіі кампазіцый, выкарыстаных у фільме, а песня «Seabirds» («Марскія птушкі»), якую можна пачуць у фільме, наогул не патрапіла на гэты альбом. Альбом дасягнуў дзявятага месца ў хіт-парадах у Вялікабрытаніі і 153-го месцы ў ЗША.

У 1987 годзе альбом быў выпушчаны на CD. CD у новым лічбавым майстарынгу быў выдадзены ў 1995 годзе ў Вялікабрытаніі і ў 1996 годзе ў ЗША.

Дызайнам вокладкі займалася студыя «Hipgnosis» Сторма Торгесана. Вокладка ўяўляе сабой кадр з фільма.

Спіс кампазіцый

1. «Cirrus Minor» (Пёрыстыя аблокі) (Уотэрс) — 5:18
2. «The Nile Song» (Песня Нілу) (Уотэрс) — 3:26
3. «Crying Song» (Песня-плач) (Уотэрс) — 3:33
4. «Up The Khyber» (Уверх па Хайберу) (Мэйсан/Райт) — 2:12
5. «Green Is The Colour» (Зялёны — гэта колер) (Уотэрс) — 2:58
6. «Cymbaline» (Цимбалина) (Уотэрс) — 4:50
7. «Party Sequence» (Эпізод на вечарынцы) (Уотэрс/Райт/Гілмар/Мэйсан) — 1:07
8. «Main Theme» (Галоўная тэма) (Уотэрс/Райт/Гілмар/Мэйсан) — 5:28
9. «Ibiza Bar» (Бар у Ібіцы) (Уотэрс/Райт/Гілмар/Мэйсан) — 3:19
10. «More Blues» (Больш блюзу) (Уотэрс/Райт/Гілмар/Мэйсан) — 2:12
11. «Quicksilver» (Ртуць) (Уотэрс/Райт/Гілмар/Мэйсан) — 7:13
12. «A Spanish Piece» (Іспанская мелодыя) (Гілмар) — 1:05
13. «Dramatic Theme» (Драматычная тэма) (Уотэрс/Райт/Гілмар/Мэйсан) — 2:15

Удзельнікі запісу

* Роджэр Уотэрс — бас-гітара, вакал;
* Дэвід Гілмар — гітара, вакал;
* Рычард Райт — клавішныя;
* Нік Мэйсан — ударныя, пяркусія.